Haustfest
Haustfest i Asker mållag på Asker Museum tysdag 27. september kl. 19.00. Ingar Sletten Kolloen held foredrag om diktaren Tor Jonsson.
Då Tor Jonsson knapt 35 år gamal tok sitt eige liv i 1951, var han rekna som ein av våre mest markante diktarar, sjølvstendig og myndig i tanke som i form.
I dikta står livslyst mot dødslengt, draum mot røynd, eld mot kulde, medan han som journalist stod fram som ein sosialt engasjert skribent med kvasse åtak på utrett og undertrykking, ofte med brodd mod idyllisering av bygdesamfunnet.
Kolloen har i sitt nærgåande, usminka og nyanserte protrett av ein svært motsetningsfull personlegdom skapt ein medrivande biografi som også har sine element av kjærleiks- og kriminalroman.
Inngangspengar 50 kr. Gratis inngang for studentar og skuleelevar. Etter foredraget vert det festmåltid: spekemat, god drikke, kaffi og kaker. Pris for foredraget og festmåltid 200 kr for medlemmer, andre 250 kr. Studentar og skuleelevar 100 kr.
Påmelding til festmåltid innan 25. september på e-post/telefon til:
Marit Sandal Mortensen, e-post: maritsandalm@gmail.com mobil 959 42204
Anne Joronn Sætre, e-post: anne.joronn@gmail.com mobil 922 68 333