Minnekveld for Marie Lovise Widnes
Hareid Mållag inviterer til minnekveld for å heidre kulturpersonelgdomen og målsakskvinna Marie Lovise Widnes, tysdag 1 november på Hareid folkebibliotek.
1. november er fødselsdatoen hennar. Ho ville blitt 92 år i år. Widnes gjekk bort i fjor.
Marie Lovise engasjerte seg innanfor ei rekke felt som dikting, musikk, språk, politikk, likestilling og kristendom. Denne kvelden ønsker vi å vise fram breidda hennar gjennom mellom anna musikk, helsingar, kåseri og diktopplesing. Blant dei medverkande finn vi Lars Hartig Tangedal, Margit Lovise Holte, Widnes-sonene og Bernt Brandal. Programleiar er Ingrid Opedal.
Marie Lovise har vore leiar i både Hareid og Sunnmøre mållag.
Ho er ein av dei få æresmedlemmane i Noregs mållag. Ho har også fått kongens fortenstmedalje I gull.