Nynorskstafetten dag 4: Øygarden

Denne veka reiser Nynorskstafetten i Alver, Arna og Øygarden. Gjennom ei heil veke vert det snakka om nynorsk med ordførarar, kommunedirektørar, oppvekstsjefar, tilsette i barnehagar og på skular, på bibliotek og med lokalt næringsliv for å nemne nokre. Noregs Mållag og Norsk Målungdom fyller opp ein stafettbil med både materiell og folk. Vi får god hjelp av Nynorsk kultursentrum som sender ut forfattarar og lagar fleire andre gode tilskipingar retta inn imot næringslivet.