Språk og makt med Oddny Irene Miljeteig
Føredrag med Oddny Irene Miljeteig
Korleis formar språket samfunnet vårt? Kven slepp til i den offentlege samtalen, og kven blir haldne utanfor?
I dette føredraget set samfunnsdebattant, tidlegare toppolitikar og nynorskforkjempar Oddny Irene Miljeteig søkjelyset på samspelet mellom språk og makt. Ho har lang erfaring frå politikk, organisasjonsliv og kyrkjeleg arbeid. Det har gitt henne god innsikt i korleis språk kan skape deltaking, men også ekskludering.
Miljeteig har gjennom fleire tiår vore ei markant stemme i samfunnsdebatten, mellom anna som kommunalråd i Bergen og nestleiar i SV. Ho er i dag medlem av Kyrkjemøtet, Bjørgvin bispedømeråd og Mellomkyrkjeleg råd.
Velkomen til ein aktuell og tankevekkjande kveld i regi av Sancta Sunniva Kyrkjeakademi for Nordfjord, med Stryn bibliotek som medarrangør.